Օպերատիվ իրավիճակը հանրապետությունում փետրվարի 26-ից 27-ը

Ըստ ոստիկանության օպերատիվ հաղորդագրությունների ամփոփագրերի՝ փետրվարի 26-ից 27-ը Հայաստանի Հանրապետության ՆԳՆ ոստիկանության ստորաբաժանումները բացահայտել են հանցագործության 141 դեպք, որից 4-ը՝ նախկինում կատարված։

Մասնավորապես՝ պարտադիր զինվորական կամ այլընտրանքային ծառայությունից կամ զորահավաքային զորակոչից խուսափելու՝ 38, տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու՝ 18, թմրամիջոցի հայտնաբերման՝ 13, մարմնական վնասվածք պատճառելու, ֆիզիկական ներգործության և խարդախության՝ 8-ական, թմրամիջոցների, հոգեմետ նյութերի, դրանց պատրաստուկների, դրանց համարժեք նյութերի կամ դրանց պրեկուրսորների մաքսանենգության՝ 7, հոգեկան ներգործության՝ 6, անձնական ունեցվածքի գողության՝ 4, վստահված գույքը հափշտակելու, խուլիգանության ու անհետաձգելի միջամտության որոշումը կամ պաշտպանական որոշումը չկատարելու՝ 2-ական, ավազակության, կողոպուտի, բնակարանային գողության, գույքը ոչնչացնելու կամ վնասելու, կաշառակերության, պաշտոնեական լիազորությունները չարաշահելու, զենք-զինամթերքի առգրավման, թմրանյութի իրացման, ահաբեկչության մասին սուտ տեղեկություններ տարածելու, իշխանությունը զավթելուն և սահմանադրական կարգը բռնի տապալելուն ուղղված հրապարակային կոչեր հնչեցնելու, փաստաթուղթ կեղծելու, սեքսուալ բնույթի գործողություններին հարկադրելու, ինքնիրավչության, արդարադատության իրականացմանը կամ գործի քննությանը միջամտելու, ազատությունից ապօրինի զրկելու, կանխիկ դրամական միջոցների և վճարային գործիքների մաքսանենգության, կանխամտածված սնանկության, հարկերը, տուրքերը կամ այլ վճարներ չվճարելու, փաստաթղթեր, դրոշմներ, կնիքներ հափշտակելու, շորթելու, ոչնչացնելու, վնասելու կամ թաքցնելու, սառը զենքի հայտնաբերման և հարկերը, տուրքերը կամ այլ վճարներ չվճարելու՝ 1-ական դեպք։

Հայտնաբերվել են 1 անհետ կորած և 5 հետախուզվող։

Գրանցվել է զենք-զինամթերքի կամավոր հանձնման 2 դեպք։

Նախկինում կատարված հանցագործության դեպքերից բացահայտվել է անձնական ունեցվածքի գողության՝ 2, խարդախության և վրաերթի՝ 1-ական դեպք։

Անցած 1 օրվա ընթացքում հանրապետությունում արձանագրվել է ճանապարհատրանսպորտային 10 պատահար. 13 մարդ ստացել է տարբեր աստիճանի մարմնական վնասվածքներ: