19-ամյա երիտասարդը ձի է գողացել ու փորձել այն թաքցնել իր բնակարանում

Լեհաստանում 19-ամյա երիտասարդը փորձել է իր բնակարանում թաքցնել գողացված ձիուն, գրում է Radio Gdansk-ը։ Այժմ նրան սպառնում է ազատազրկում գողության համար։

Ինչպես խոստովանել են ոստիկանները, երբ ահազանգ է ստացվել այն մասին, որ մի տղամարդ փորձում է ձին բարձրացնել բազմաբնակարան շենքի վերջին հարկ, իրենք մտածել են, որ դա կատակ է։ Չնայած դրան, սպաները ժամանել են դեպքի վայր և հասկացել, որ դա, այնուամենայնիվ, կատակ չէր։

Պարզվել է, որ տղամարդը գողացել է կենդանուն ու փորձել թաքցնել իր բնակարանում։ Ձիու արժեքը մոտավորապես $3800 էր, բայց լեհին այդպես էլ չի հաջողվել վաճառել այն։ Կենդանին վերադարձվել է տիրոջը, իսկ գողը ձերբակալվել է, նրան սպառնում է մինչև հինգ տարի ազատազրկում։