Ամերիկացի երգչուհու համերգը չեղարկվել է ռուս երկրպագուների նվերի պատճառով

Լիտվայում ռուս երկրպագուների նվերների պատճառով չեղարկվել է ամերիկացի երգչուհի LP-ի համերգը։ Այս մասին հայտնում է Lenta.ru-ն:

Կատարողի ելույթը պետք է կայանար մարտի 4-ին Կաունաս քաղաքում։ Միջոցառման չեղարկման պատճառ է դարձել տեսանյութը, որը կատարողը հրապարակել է սոցիալական ցանցերում։ Դրանում նա ցուցադրել էր ռուսաստանցի երկրպագուների կողմից իրեն նվիրած հուդին: Հագուստի վրա պատկերված էր ռուսական դրոշի գույներով ներկված նավ:

Համերգի կազմակերպիչները դիմել են նաև մյուս արտիստներին, ովքեր նախատեսում են ելույթ ունենալ Լիտվայում՝ ընդգծելով, որ չեն հանդուրժելու նրանց կողմից ՌԴ–ին աջակցությունը։