Այս պահին, իսկապես, սառեցված են հարաբերությունները ՀԱՊԿ-ի հետ․ Սարգիս Խանդանյան
Քաղաքական
Այսօր լրագրողների հետ ճեպազրույցի ընթացքում Ազգային ժողովի ՔՊ-ական պատգամավոր Սարգիս Խանդանյանն անդրադարձել է ՀՀ վարչապետ Նիկոլ Փաշինյանի կողմից ՀԱՊԿ-ում անդամակցության սառեցման վերաբերյալ արված հայտարարությանը․
«Հայաստանի ու ՀԱՊԿ-ի հարաբերություններում որևէ տեղաշարժ չկա։ Հայաստանը վերջին շրջանում՝ մեկ տարուց ավել է, չի մասնակցում ՀԱՊԿ-ի աշխատանքներին՝ հաշվի առնելով մեր կողմից բազմիցս հնչեցված դիրքորոշումները ՀԱՊԿ-ի գործունեության կամ անգործության վերաբերյալ, ուստի այդ արձանագրումը իրավիճակի կոնկրետ արձանագրում է․ այս պահին իսկապես սառեցված են հարաբերությունները ՀԱՊԿ-ի հետ և հետագայում արդյո՞ք դրան կհետևեն գործընթացներ, թե՞ ոչ՝ ժամանակը ցույց կտա»,- նման պատասխան է տվել իշխանական պատգամավորն։
Լրագրողի մեկ այլ դիտարկմանը, որ Ռուսաստանի նախագահի մամուլի քարտուղար Դմիտրի Պեսկովն ասում է՝ «ՀԱՊԿ-ում դե-յուրե [սառեցված անդամության] ռեժիմ գոյություն չունի», Խանդանյանն արձագանքել է․
«Խոսքը իրավական գնահատականի մասին չէ, դա քաղաքական գնահատական է, գոյություն ունեցող իրավիճակը մեկնաբանելու ձև»։
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
