Ըստ Հայաստանի և Ադրբեջանի ԱԳ նախարարների բանակցությունների արդյունքների՝ կարող ենք գնահատել, թե ինչ փուլում ենք. Խանդանյան
Քաղաքական
Հայաստանի և Ադրբեջանի արտգործնախարարները փետրվարի 28-ին և 29-ին Բեռլինում հանդիպմանը կաշխատեն խաղաղության պայմանագրի տեքստի վրա, դրանից հետո պարզ կլինի՝ առաջընթաց կա՞, թե՞ դեռ լրացուցիչ բանակցությունների կարիք կա:
Այս մասին ասաց Հայաստանի ազգային ժողովի արտաքին հարաբերությունների հանձնաժողովի նախագահ Սարգիս Խանդանյանը լրագրողների հետ զրույցում:
«Այսօր և վաղը Բեռլինում ԱԳ նախարարները հենց խաղաղության պայմանագիրն են բանակցելու: Եվ ըստ այդ բանակցությունների արդյունքների՝ կարող ենք գնահատական տալ, թե ինչ փուլում ենք: Այսօր և վաղը տեքստի վրա ԱԳ նախարարները կաշխատեն, և դրանից հետո կհասկանանք, թե արդյոք առաջընթաց գրանցում են այս բանակցությունները, թե՞ դեռ էլի լրացուցիչ բանակցությունների կարիք կա»,-ասաց Խանդանյանը:
Հայաստանի և Ադրբեջանի արտաքին գործերի նախարարների պատվիրակությունների հանդիպումը տեղի կունենա փետրվարի 28-29-ը Բեռլինում՝ համաձայն Մյունխենում կայացած եռակողմ հանդիպման ժամանակ ձեռք բերված պայմանավորվածության:
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
