Պոչետինոն խնդրանքով դիմել է Չելսիի երկրպագուներին

«Չելսիի» գլխավոր մարզիչ Մաուրիսիո Պոչետինոն խոսել է Անգլիայի գավաթի 1/8 եզրափակչի` «Լիդս Յունայթեդի» հետ առաջիկա հանդիպման մասին։

«Այո, մեզ բարդ հանդիպում է սպասվում։ Անշլագ է սպասվում և հաճելի մթնոլորտ։ Ես հասկանում եմ երկրպագուների հիասթափությունը, բայց մենք կրկին նրանց օգնության կարիքն ունենք։ «Լիդսին» կաջակցեն հինգ հազար երկրպագուներ»,- Պոչետինոյի խոսքերն է մեջբերում BBC-ն։

Հանդիպումը կկայանա այսօր՝ փետրվարի 28-ին, Լոնդոնի «Սթեմֆորդ Բրիջ» մարզադաշտում և կմեկնարկի Երևանի ժամանակով 23:45-ին։

Հիշեցնենք, որ 1/32 եզրափակչում Պոչետինոյի թիմը 4։0 հաշվով հաղթել է Չեմպիոնշիփը ներկայացնող «Պրեստոն Նորթ Էնդին», իսկ 1/16 եզրափակիչ փուլում 3։1 հաշվով առավելության է հասել «Ասթոն Վիլայի» նկատմամբ։

25 խաղից հետո «Չելսին» ԱՊԼ-ում 35 միավորով 11-րդ տեղում է։ Առաջնությունը գլխավորում է «Լիվերպուլը» (60 միավոր):