Այնպիսի հարված ենք հասցնելու, որ նախարարը հրաժարական տա․ ակցիայի մասնակից
Հասարակություն
Այս պահին ԿԳՄՍ նախարարության շենքի մոտ տեղի է ունենում նախարար Ժաննա Անդրեասյանի հրաժարականի և Հայոց պատմության խնդրահարույց դասագրքի խոտանման պահանջով բողոքի ակցիա։
Ակցիայի մասնակիցներից մեկը լրագրողների հետ զրույցում տեղեկացրեց, որ առաջիկայում սպասվում է համընդհանուր պայքար․
«Մենք, առայժմ, չենք ուզում հարվածել նախարարությանը, բայց այդ հարվածի ժամը կգա, ամեն անգամ ավելի մոտենում է։ Այնպիսի հարված, որ նախարարը հրաժարական տա, գնա տուն՝ իր ընտանեկան հարցերով զբաղվի, ոչ թե գիտությունը, կրթությունը քանդի»,- նշեց նա։
Մասնակիցը նաև հավելեց՝ ունեցել են հանդիպումներ դպրոցների տնօրենների հետ, սակայն պետական ռեսուրսը իշխանականների ձեռքում է, և իրենք խանգարում են նրանց բոլոր քայլերին․
«Խոսել ենք այն մարդկանց հետ, ովքեր եղել են 7-րդ դասարանի պատմության դասագրքի փորձագետները։ Իրենք ընդունում են, որ Հայոց պատմության մասնագետ չեն եղել, բայց քանի որ դպրոցի տնօրինությունն իրենց ասել է, որ ձեր անունը որպես փորձագետ պետք է ներկայացնենք՝ ներկայացվել է։ Եղել են ուսուցիչներ, ովքեր ընդդիմացել են այդ ամենին»,- իր ելույթում նման հայտարարությամբ հանդես եկավ ակցիայի մասնակիցն ու որպես եզրափակում տեղեկացրեց՝ մարտի 13-ին, ժամը 15։00 նորից հավաքվելու են հրաժարականի պահանջով։
Ամենադիտված 
Վրաստանի նախագահը հայկական Լոռին և Տաշիրը «պատմական Վրաստան» է համարում․ 168.am
