Ամերիկուհին կոկորդի ցավով հիվանդանոց է տեղափոխվել և կորցրել վերջույթները (լուսանկարներ)
Այլ
ԱՄՆ բնակչուհին հիվանդանոց է տեղափոխվել կոկորդի ցավով ու կորցրել վերջույթները, գրում է LADBible-ը։
Տեխասից Շերի Մուդին իր դպրոցական դասարանի հետ էքսկուրսիայի էր գնացել, երբ սկսեց իրեն վատ զգալ: Նրա մոտ կոկորդի ցավ է սկսվել, և նա ենթադրել է, որ մրսել է: Սակայն մի քանի օր անց նրա վիճակը նկատելիորեն վատացել է՝ նրա մոտ ջերմություն և փսխում է սկսվել։
Շերիի ամուսինը՝ Դեյվիդը, տեսնելով կնոջ վիճակը, նրան տեղափոխել է հիվանդանոց։ Արդեն հիվանդանոցում կնոջ վիճակն էլ ավելի է վատթարացել։ Կնոջը մեդիկամենտոզային կոմայի մեջ են մտցրել, և նրա ամուսնուն հայտնել, որ սեպսիս է սկսվել:
«Ես արագ հասկացա, որ ամեն ինչ վատ է»,— հիշել է Դեյվիդը։
Բժիշկները վստահ չէին, թե ինչպես է Շերին վարակվել այդ վարակով, բայց դեղամիջոցները, որոնք նա ընդունում էր մինչ հիվանդանալը, կարող էին նպաստել դրան: Հոսպիտալացումից մի քանի շաբաթ անց պացիենտին տեղափոխել են վիրահատարան, որտեղ նրա կյանքը փրկելու համար անդամահատել են նրա ոտքերը՝ ծնկից ներքև, իսկ հետո ձեռքերն՝ արմունկից ներքև:
Դրանից հետո ամերիկուհին վերականգնողական կուրս է անցել ու այժմ սպասում է պրոթեզավորմանը։
«Ես շատ ուժեղ եմ», - մեկնաբանել է Մուդին՝ հավելելով, որ իր հետ կատարվածը ոչ մի կերպ չի կոտրել իրեն։
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
