Ցավոք, ուշ գլխի ընկանք, որ ՀԱՊԿ-ը չի աշխատում․ Արթուր Հովհաննիսյան
Քաղաքական
Այսօր ճեպազրույցի ընթացքում «Քաղաքացիական պայմանագիր» խմբակցության պատգամավոր Արթուր Հովհաննիսյանը պատասխանել է լրագրողների հարցերին։
Մասնավորապես, հարցին` ձեզ որևէ կերպ անհանգստացնու՞մ է, որ «Զվարթնոց» օդանավակայանում տեղակայված են ռուս սահմանապահներ, պատգամավորը պատասխանել է․
«Այո՛, մեզ այդ հարցը անհանգստացնում է, ինչպես մեր հանրության մեծ մասին։ Այդ հարցը մեր քաղաքական թիմի օրակարգում է, քննարկումներ են տեղի ունենում, երբ որոշումներ կլինեն, կիմանանք բոլորս»։
Մեկ այլ դիտարկմանը` ի՞նչ տեղի ունեցավ, որ իշխանությունը պաշտոնավարման 6-րդ տարում գլխի ընկավ, որ ռուս սահմանապահները խնդրահարույց են «Զվարթնոց»-ում, իշխանական ներկայացուցիչը նկատեց.
«Բազմաթիվ իրողություններ ի հայտ եկան վեց տարիների ընթացքում, ոչ թե վեց տարի հետո, այլ՝ 6 տարիների ընցաքում։ Հետևաբար, յուրաքանաչյուր իրողություն իր հետևից պետք է բերի որոշակի դատողություններ, որոշումներ և գործողություններ։ Նույն տրամաբանությամբ, ցավոք, ուշ գլխի ընկանք, որ ՀԱՊԿ անվտանգային կառույցը չի աշխատում։
Սա նշանակում է, որ երբ խնդիր է առաջանում, պետք է գնալ ու այն լուծել, չթողնել, որ այդ խնդիրը մնա մեզ հետ տասնամյակներով, ինչպես եղել է նախկինում»,- նման պնդմամբ հանդես եկավ Արթուր Հովհաննիսյանը՝ իր պատասխանը եզրափակելով։
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
