Իսրայելը հրաժարվել է Եգիպտոս բանակցությունների պատվիրակություն ուղարկել

Իսրայելը պատվիրակություն չի ուղարկել Կահիրե բանակցությունների համար այն պատճառով, որ պաղեստինյան ՀԱՄԱՍ շարժումը հրաժարվել է տրամադրել պատանդների ամբողջական ցուցակը, որոնց գերության մեջ է պահում։

Այս մասին հայտնում է The Times of Israel-ը՝ հղում անելով իր աղբյուրին։ Նշվում է, որ Իսրայելը Համասից պահանջել է պատանդների ցուցակը, սակայն պաղեստինյան շարժումը հրաժարվել է տրամադրել այն։ 

Նախկինում հաղորդվում էր, որ ԱՄՆ-ի բնակիչների մեծամասնությունը կարծում է, որ Իսրայելը շատ հեռուն է գնացել պաղեստինյան ՀԱՄԱՍ շարժման դեմ պայքարում։ Նշվում է, որ հարցվածների 42%-ը կարծում է, որ Իսրայելը չափազանց հեռուն է գնացել ՀԱՄԱՍ-ի հետ հակամարտությունում։

Միևնույն ժամանակ, հարցվածների 24%-ը պաշտպանում է Իսրայելի գործողությունները, 19%-ը չի կարծում, որ հրեական պետությունը հեռու է գնացել, իսկ 15%-ը հրաժարվել է պատասխանել հարցին։