Քուվեյթը երկարաձգել է նավթի արդյունահանման կրճատման միջոցառումները

Քուվեյթի Պետությունը երկարաձգել է նավթի արդյունահանման լրացուցիչ կամավոր կրճատումը երկրորդ եռամսյակում: Այս մասին հայտնում է Kuna գործակալությունը՝ նավթի նախարար Իմադ ալ-Աթիքիին հղումով։

Հստակեցվում է, որ առաջին եռամսյակում Քուվեյթը կրճատել է արդյունահանումը օրական 135 հազար բարելով և դարձել ՕՊԵԿ+-ի առաջին երկիրը, որը հայտարարել է հաջորդ եռամսյակի համար միջոցառումների երկարաձգման մասին։

Միաժամանակ, ինչպես նշում է Bloomberg-ը, ինչպես Քուվեյթը, այնպես էլ նմանատիպ պարտավորություններ ստանձնած մյուս պետությունները, պայմանավորվել են երկարաձգել նավթի արդյունահանման կրճատումը մինչև 2024 թվականի հունիսը։

Նախկինում հաղորդվում էր, որ ՕՊԵԿ+-ի գործարքին մասնակցող երկրների միջին օրական նավթի արդյունահանումը 2024 թվականի հունվարին 2023 թվականի դեկտեմբերի համեմատ նվազել է 340 հազար բարելով և կազմել օրական 41,2 մլն բարել։

Նվազեցման մեծ մասը տեղի է ունեցել ՕՊԵԿ-ի 12 երկրներում՝ օրական 310 հազար բարելով։ ՕՊԵԿ+-ի մնացած անդամները կրճատել են արդյունահանումը օրական ընդամենը 30 հազար բարելով։