ՌԴ վարչապետ Միխայիլ Միշուստինն այսօր կմեկնի Ադրբեջան

Ռուսաստանի վարչապետ Միխայիլ Միշուստինն այսօր երկօրյա այցով կմեկնի Ադրբեջան, հաղորդում է ՌԴ կառավարության գրասենյակը, փոխանցում է ՌԻԱ Նովոստին:

Միշուստինը հանդիպում կունենա Ալիևի հետ, բանակցություններ կանցկացնի Ադրբեջանի վարչապետ Ալի Ասադովի հետ։

Քաղաքական գործիչները կդիտարկեն Ռուսաստանի և Ադրբեջանի միջև առևտրատնտեսական համագործակցության զարգացումը։ Առանձնահատուկ ուշադրություն կդարձվի էներգետիկայի, տրանսպորտի, արդյունաբերական, մշակութային, հումանիտար և փոխադարձ հետաքրքրություն ներկայացնող այլ ոլորտներում համատեղ նախագծերի խթանմանը։

Նախատեսվում է մի շարք միջկառավարական և միջգերատեսչական փաստաթղթերի ստորագրում։