Պատրուշևը խոսել է Հյուսիսային Կովկասում Արևմուտքի նպատակների մասին

ՌԴ Անվտանգության խորհրդի քարտուղար Նիկոլայ Պատրուշևը Հյուսիսային Կովկասի դաշնային օկրուգի շրջաններում ազգային անվտանգության հարցերին նվիրված հանդիպման ժամանակ ասել է, որ Միացյալ Նահանգները և նրա դաշնակիցները փորձում են անջատողական գործընթացներ սկսել Հյուսիսային Կովկասում սադրանքների և ապատեղեկատվության միջոցով։ Նրա խոսքերը մեջբերում է ՏԱՍՍ-ը։

Նրա խոսքով՝ արեւմտյան երկրները շարունակում են միջամտել Ռուսաստանի Դաշնության ներքին գործերին՝ այն թուլացնելու նպատակով։

«Միացյալ Նահանգները և նրա դաշնակիցները մեծացնում են իրենց ջանքերը Հյուսիսային Կովկասում անջատողական գործընթացներ հրահրելու համար», - ասել է նա:

Նա նշել է, որ դրանում ներգրավում են հասարակական կազմակերպություններին, կիրառում են սադրանքներ, ապատեղեկատվություն, տեղեկատվական ու հոգեբանական ազդեցության տեխնոլոգիաներ։