Գազայի դպրոցներին իսրայելական հարվածների հետևանքով` 30 մարդ է զոհվել (լուսանկարներ)
Բլոգոսֆերա
Գազայի արեւմուտքում գտնվող երկու դպրոցների վրա Իսրայելի ավիահարվածների հետևանքով զոհված պաղեստինցիների թիվը հասել է 30-ի, հայտնում է Al Jazeera հեռուստաալիքը։
Ավելի վաղ պաղեստինյան WAFA լրատվական գործակալությունը հայտնել էր 25 զոհի մասին։
«Իսրայելական ուժերը ռմբակոծել են ևս երկու դպրոց Գազա քաղաքում, ինչի հետևանքով զոհվել է առնվազն 30 տեղահանված պաղեստինցի»,- ասվում է զեկույցում։
Ինչպես հաղորդում է հեռուստաալիքը՝ վկայակոչելով փրկարարներին, զոհվածների ու վիրավորների մոտ 80%-ը երեխաներ են։
Ավելի վաղ Իսրայելի պաշտպանության բանակը հայտարարել էր, որ հարվածներ է հասցրել պաղեստինյան ՀԱՄԱՍ շարժման անդամներին, որոնք իրենց հրամանատարական կենտրոնները հիմնել են Գազայի հատվածի երկու դպրոցներում։ Իսրայելի պաշտպանության բանակի տվյալներով՝ դպրոցներն օգտագործվել են ՀԱՄԱՍ-ի «Ալ-Ֆուրկան» գումարտակի կողմից՝ որպես ապաստան իր անդամների համար և որպես հրամանատարական կենտրոններ, որոնք օգտագործվում էին ԻՊ-ի դեմ հարձակումներ պլանավորելու և իրականացնելու համար:
Ամենադիտված 
Մնաս բարյավ. Րաֆֆի Հովհաննիսյան
