«Ռեալ Սոսյեդադի» կիսապաշտպան Արսեն Զախարյանը վիրահատության է ենթարկվել

«Այսօր առավոտյան Արսեն Զախարյանը վիրահատվել է՝ աջ կոճի պերոնեային ջիլերը վնասելուց հետո։ Վիրահատությունը Բարսելոնայում կատարել է բժիշկ Խորդի Վեգան։ Եթե ​​բարդություններ չլինեն, խաղացողը դուրս կգրվի հիվանդանոցից վաղը՝ օգոստոսի 7-ին»,- ասվում է «Ռեալ Սոսյեդադի» պաշտոնական կայքում հրապարակված հաղորդագրության մեջ։

Հիշեցնենք, որ 21-ամյա խաղացողը «Ռեալ Սոսյեդադ» է տեղափոխվել 2023 թվականի ամառանը՝ «Դինամոյից» 13 միլիոն եվրոյի դիմաց։ Անցած մրցաշրջանում ֆուտբոլիստը բասկյան ակումնի կազմում մասնակցել է 40 հանդիպման՝ դառնալով 1 գոլի ու 2 երկու գոլային փոխանցման հեղինակ։