Թենիսիստուհի Էլինա Ավանեսյանին շնորհվել է ՀՀ քաղաքացու անձնագիրը

Իսպանիայում ՀՀ դեսպանությունից տեղեկացնում են, որ կառույցում օգոստոսի 8-ին տեղի է ունեցել թենիսիստուհի Էլինա Ավանեսյանին ՀՀ քաղաքացու անձնագրի հանձնման պաշտոնական արարողությունը։ 

Ավելի վաղ ՝ Էլինա Ավանեսյանը ստացել է Հայաստանի քաղաքացիություն և այսուհետ կներկայացնի մեր երկիրը։

WTA դասակարգման աղյուսակում 21-ամյա թենիսիստուհին զբաղեցնում է 58-րդ հորիզոնականը։

Մինչև այս Ավանեսյանը ներկայացնում էր Ռուսաստանը։ Մեծ սաղավարտի հաջորդ մրցաշարում՝ US Open-ում, նա հանդես կգա Հայաստանի դրոշի ներքո։

ԱՄՆ բաց առաջնությունը կմեկնարկի օգոստոսի 26-ին։