Ալժիրցի բռնցքամարտիկ Խելիֆը բողոք է ներկայացրել դատախազություն բուլիինգի պատճառով

Ալժիրցի բռնցքամարտիկ Իման Խելիֆը, ով դարձել է օլիմպիական չեմպիոն մինչև 66 կգ քաշային կարգում, բողոք է ներկայացրել Փարիզի դատախազություն համացանցում բուլիինգի պատճառով։ Այդ մասին հայտնում է Arab News-ը։

«Հետաքննությունը կպարզի, թե ով է կանգնած այս կնատյաց, ռասիստական և սեքսիստական արշավի հետևում: Հալածանքը, որին ենթարկվել է Խելիֆը, կլինի ամենամեծ բիծը այս խաղերի վրա»,-«Գազետա ռու»-ի փոխանցմամբ, ասել է մարզիկի փաստաբան Նաբիլ Բուդին։

Եզրափակիչ խաղում Խելիֆը մենամարտեց չինացի Յան Լյուի հետ։ Հաղթանակը ներկայացուցչին մրցավարների միաձայն որոշմամբ շնորհվել է Ալժիրի։

Մեկ տարի առաջ Հնդկաստանում կայացած IBA աշխարհի առաջնությունում Խելիֆը ձախողել է սեռի թեստը։ Նաև Թայվանի ներկայացուցիչ Լին Յուտինգն այդ առաջնությունում նման փորձություն չի անցել։ Միջազգային օլիմպիական կոմիտեն հետագայում թուլատրել էր երկու մարզիկների մասնակցությունը խաղերին։