Պատերազմի նոր օջա՞խ․ Բելառուսը զորք է հավաքում Ուկրաինայի հետ սահմանին

Hraparak.am-ը գրում է․

Բելառուսը ծանր սպառազինություն և զորքեր է կուտակում Ուկրաինայի սահմանին։ Ուկրաինայի ապատեղեկատվության դեմ պայքարի կենտրոնը բացահայտել է այս որոշման դրդապատճառները։

«Բելառուսից մինչև սահման զենքի կուտակումը Պուտինին օգնելու և ուկրաինական հրամանատարության ուշադրությունը այդ ուղղությամբ շեղելու փորձ է»,- նշել է կենտրոնի ղեկավար Անդրեյ Կովալենկոն։ Նա համոզմունք է հայտնել, որ Բելառուսի նախագահ Ալեքսանդր Լուկաշենկոն «կարող է կանխատեսել ցանկացած սադրանքի հետևանքները»։

Հավելենք, որ Բելառուսի հատուկ ջոկատայինները հանձնարարություն են ստացել շարժվել դեպի ուկրաինական սահմանային գոտի, հայտնել են Բելառուսի պաշտպանության նախարարությունից։ «Հատուկ գործողությունների ուժերի, ցամաքային զորքերի, հրթիռային ուժերի ստորաբաժանումները, ներառյալ «Պոլոնեզ» հրթիռային համակարգերը և «Իսկանդեր» համալիրները, առաջադրանքներ են ստացել երթեր իրականացնելու համար նախատեսված տարածքներ», - ասել է Բելառուսի պաշտպանության նախարարար Վիկտոր Խրենինը:

Ավելի վաղ, Բելառուսի նախագահ Ալեքսանդր Լուկաշենկոն կարգադրել է ուժեղացնել Ուկրաինայի հետ սահմանին գտնվող զորախմբերը Գոմել և Մոզիր մարտավարական ուղղություններով։ Մինչև այդ, Լուկաշենկոն հայտարարել է, որ Ուկրաինայի ԶՈւ-ն խախտել է Բելառուսի օդային տարածքը և ԱԹՍ-ներ արձակել, որոնք խոցվել են:

Այս թեմայով Թուրքիան տարաձայնություններ ունի ԱՄՆ-ի հետ․ Էրդողան «Նույն հայհոյանքները դատախազն ասաց նոր, մեր դեպքում հանցագործություն է, իրենց դեպքում`ո'չ». Սամսոնյան (տեսանյութ) Հայաստանի օպերայի պատմության մեջ նոր էջ է բացվում՝ աշխարհի ամենահեղինակավոր կառույցի հետ համագործակցությամբ ՊԵԿ-ը հորդորում է ՀՀ ժամանող քաղաքացիներին տեղափոխել միայն իրենց կողմից ձեռքբերված և իրենց պատկանող նոր iPhone 16 Ափսոս էն ճանապարհը, որ քեզ հետ եմ անցել. Քննչական կոմիտեում աղմկահարույց պաշտոնանկություններ կլինեն