ՕԽ-2024 փակման արարողություն. հանդիսատեսը սուլել է Մակրոնի ելույթի ժամանակ

Փարիզում 2024 թվականի Օլիմպիական խաղերի փակման արարողության հանդիսատեսը սուլել է Ֆրանսիայի նախագահ Էմանուել Մակրոնի ելույթի ժամանակ։

Մակրոնը բարձրացել է ամբիոն՝ եզրափակիչ ելույթով, սակայն «Ստադ դե Ֆրանս» մարզադաշտում ներկաները դժգոհել են Ֆրանսիայի նախագահի ներկայությունից և բարձր սուլել են նրան։ Հանդիսատեսի պահվածքի պատճառով՝ Մակրոնն անմիջապես չի կարողացել ելույթ ունենալ։

Հիշեցնենք, որ օգոստոսի 11-ին Փարիզում տեղի է ունեցել 2024 թվականի Օլիմպիական խաղերի փակման արարողությունը։

2024 թվականի Օլիմպիական խաղերում ամերիկացիներն ունեն 127 մեդալ (40 ոսկի, 44 արծաթ, 43 բրոնզ), Չինաստանից ժամանած մարզիկները՝ 91 մեդալով (40 ոսկե, 27 արծաթե, 24 բրոնզե) զբաղեցրել են երկրորդ տեղը: Ճապոնիան երրորդ տեղում է (45 մեդալ՝ 20 ոսկի, 12 արծաթ, 13 բրոնզ):