Հայ-ռուսական համալսարանում կարանտինը շարունակվո՞ւմ է․ մանրամասներ
Հասարակություն
Օգոստոսի 6-ին MediaHub-ը գրել էր, որ Հայ-ռուսական համալսարանում կարմրուկով պայմանավորված կարանտին է հայտարարվել։
MediaHub-ին համալսարանի ռեկտոր Էդվարդ Սանդոյանն ասել էր, որ բուհում ուսանողներ ու դասախոսներ չկային, բայց կային այլ աշխատակիցներ, որոնցից մեկի մոտ ախտանշաններ կային, ու քանի դեռ չէր հերքվել, որ կարմրուկով է վարակված երիտասարդը, ռեկտորը համալսարանում կարանտին էր հայտարարել։
MediaHub–ը կրկին կապ հաստատեց Հայ–ռուսական համալսարանի հետ, որպեսզի պարզենք, թե ի՞նչ արդյունք են արձանագրել երիտասարդի անալիզները և արդյո՞ք համալսարանում հայտարարված կարանտինը պահպանվում է:
«Հայ-ռուսական համալսարանում համաճարակաբանական ռիսկերի հաստատման բացակայության պատճառով՝ կապված կարմրուկի վիրուսի հնարավոր տարածմամբ, մենք վերադարձել ենք բուհի բնականոն գործունեությանը, կարատինը հանված է»,- նշեցին Հայ-ռուսական համալսարանից։
Նշենք, որ ՀՀ առողջապահության նախարարությունից հայտնում են, որ կարմրուկով վարակվածության դեպքերը մեկ շաբաթում ՀՀ–ում ավելացել են 3–ով։
Մարիաննա Արամյան
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
