«Արմավիր» ՔԿՀ-ի ազատազրկված անձանց մասնակցությամբ բեմադրվել է «Մահացե՞լ եմ, չե՛մ մահացել» պիեսը

Հայաստանի Հանրապետության արդարադատության նախարարության «Արմավիր» քրեակատարողական հիմնարկում տեղի է ունեցել աննախադեպ մշակութային միջոցառում. հիմնարկի ինքնագործ մշակութային միավորման անդամ ազատազրկված անձինք «մի բեմում» խաղացել են Արմավիրի «Վերելք» դրամատիկական թատրոնի դերասանուհի Մարիաննա Գրիգորյանի հետ։

Ինքնագործ մշակութային միավորման նախագահ, դատապարտյալ Մուշեղ Մխիթարյանի նախաձեռնությամբ, Հայաստանի մշակույթի գործիչների միության և «Արմավիր» ՔԿՀ սոցիալական, հոգեբանական և իրավական աշխատանքների բաժնի աջակցությամբ ներկայացվել է «Մահացե՞լ եմ, չե՛մ մահացել» պիեսը։ Մուշեղ Մխիթարյանի հեղինակած և բեմադրած պիեսը նվիրված է դրամատուրգ Գևորգ Սարգսյանի ծննդյան 90 և ականավոր դերասան Երվանդ Մանարյանի 100-ամյակներին։

Ներկա են եղել Հ․ Թումանյանի անվան Ազգային տիկնիկային թատրոնի գեղարվեստական ղեկավար Ռուբեն Բաբայանը, ՀՄԳՄ վարչության անդամներ Գագիկ Անտոնյանը և Լիանա Սահակյանը, Քրեակատարողական ծառայության կենտրոնական մարմնի ներկայացուցիչներ և այլ հյուրեր:

Շնորհավորական խոսքերով և բարեմաղթանքներով տեսաուղերձներ են հղել ֆրանս-ամերիկյան թատրոնի և կինոյի հայազգի նշանավոր դերասանուհի Նորա Արմանին, նշանավոր դերասան Վարդան Պետրոսյանը, կինոռեժիսոր Հովհաննես Գալստյանը, կինոպրոդյուսեր Կարեն Ծատուրյանը, գրող, գրականագետ Կարո Վարդանյանը, Հայաստանի Եվրոպական կուսակցության նախագահ, ռեժիսոր Տիգրան Խզմալյանը։

Պիեսի ավարտին հյուրերը հանդես են եկել գովասանքի և գնահատանքի խոսքերով, իսկ ներկայացման բեմադրիչին և մասնակիցներին հանձնվել են պատվոգրեր «Արմավիր» քրեակատարողական հիմնարկի պետ, արդարադատության գնդապետ Արսեն Արզումանյանի կողմից։

Այս թեմայով «Փաստ». Հայաստանում կգործարկվի ընտանեկան և կենցաղային բռնություն գործադրած անձանց ռեաբիլիտացման ծրագիրը. նախագիծ Ադրբեջանցի զինծառայող Բայրամով Մուսան մահացել է հրազենից արձակված կրակոցից Պակիստանում պայթեցվել է ՌԴ դեսպանի մասնակցությամբ ձևավորված պատվիրակությանն ուղեկցող ավտոմեքենան Պակիստանում պայթեցվել է ՌԴ դեսպանի մասնակցությամբ ձևավորված պատվիրակությանն ուղեկցող ավտոմեքենան Պակիստանում պայթեցվել է ՌԴ դեսպանի մասնակցությամբ ձևավորված պատվիրակությանն ուղեկցող ավտոմեքենան