10 ուժեղագույն շախմատիստի մասնակցությամբ մրցաշարում Լևոն Արոնյանը 4-րդն է

Սենթ Լուիսում ավարտվել է «Grand Chess Tour: Saint Louis 2024» արագ շախմատի շրջանային մրցաշարը 10 ուժեղագույն շախմատիստի մասնակցությամբ:

Լևոն Արոնյանը 9 հնարավորից վաստակել է 5 միավոր և զբաղեցրել 4-րդ հորիզոնականը: Այս մասին հաղորդում է Հայաստանի շախմատի ֆեդերացիան: 

Արագ շախմատի մրցաշարում լավագույն եռյակը ունեցավ հետևյալ տեսքը.

1-ին տեղ՝ Յան Նեպոմնյաշչի՝ 5.5 միավոր

2-րդ տեղ՝ Ալիռեզա Ֆիրուզջա՝ 5.5 միավոր

3-րդ տեղ՝ Մաքսիմ Վաշիե-Լագրավ՝ 5.5 միավոր

Ընթանում է կայծակնային շախմատի մրցաշարը, որը կավարտվի վաղը։