Բայդենը Թրամփին «անհաջողակ» է անվանել
Բլոգոսֆերա
ԱՄՆ նախագահ Ջո Բայդենը ելույթ է ունեցել Դեմոկրատների թեկնածուների կոնվենցիայի բացման ժամանակ։ Դեմոկրատական կուսակցության առաջնորդին ողջունել են «Մենք սիրում ենք Ջոյին» վանկարկումներով։
Իր ելույթում Բայդենը կոչ է արել Քամալա Հարիսին ընտրել ԱՄՆ նախագահ, իսկ Դոնալդ Թրամփին անվանել է «անհաջողակ», հայտնում է AFP-ն։
«Մենք պայքարում ենք Ամերիկայի հոգու համար», - ասել է Սպիտակ տան ղեկավարը՝ օգտագործելով իր նախագահության խորհրդանշական արտահայտություններից մեկը։ Ինչպես նշել են լրատվամիջոցները, դահլիճում շատերը չեն կարողացել զսպել իրենց արցունքները նախագահի ելույթի ժամանակ։ Միաժամանակ, ինչպես պարզաբանում է The Wall Street Journal-ը, ԱՄՆ նախագահը կրկին վրիպումներ է ունեցել տեքստում։
«Ջոն ու ես միասին ենք եղել գրեթե 50 տարի, սակայն լինում են դեպքեր, երբ ես նորից սիրահարվում եմ նրան»,- ասել է առաջին տիկին Ջիլ Բայդենը։ Իր հերթին փոխնախագահ և նախագահի դեմոկրատ թեկնածու Քամալա Հարիսը հարգանքի տուրք է մատուցել Սպիտակ տան ղեկավարին։ «Մենք հավերժ երախտապարտ ենք Ձեզ», - ասել է նա Բայդենին:
«Եկեք պայքարենք մեր իդեալների համար: Երբեք չմոռանանք՝ երբ մենք պայքարում ենք, մենք հաղթում ենք»,-հավելել է Հարիսը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
