Հռոմի պապը մտադիր է հաջորդ տարի Թուրքիա այցելել
Քաղաքական
Հռոմի պապ Ֆրանցիսկոս Առաջինը ծրագրում է հաջորդ տարի այցելել Թուրքիա՝ նշելու համար Նիկեայի առաջին տիեզերական ժողովի տարեդարձը: Ըստ Reuters-ի՝ դրա մասին հինգշաբթի հայտնել է աշխարհի ուղղափառ քրիստոնյաների հոգևոր առաջնորդը:
Քրիստոնեության առաջին դարերը նշանավորվել են բուռն բանավեճով՝ ինչպես Հիսուսը կարող էր լինել և՛ Աստված, և՛ մարդ, և Եկեղեցին այդ հարցը կարգավորել է 325 թվականին՝ Նիկեայի առաջին տիեզերական ժողովում:
«Նորին Սրբություն Ֆրանցիսկոս Պապը ցանկանում է միասին նշել այս կարևոր տարեդարձը»,- Պորտուգալիայի մայրաքաղաք Լիսաբոնում կազմակերպված միջոցառման ժամանակ հայտնել է Տիեզերական պատրիարք Բարդուղիմեոսը, որի նստավայրը Ստամբուլում է։
Նա նշել է, որ Ֆրանցիսկոսը մտադիր է այցելել Ստամբուլի Կոստանդնուպոլսի Տիեզերական պատրիարքարան՝ նախքան Նիկեայի առաջին տիեզերական ժողովի քաղաք՝ Իզնիկ մեկնելը։
Տիեզերական պատրիարք Բարդուղիմեոսն ասել է նաև, որ այցը կազմակերպելու համար հանձնաժողով է ստեղծվում, և որ Վատիկանն այս հարցով շուտով կապ կհաստատի թուրքական կառավարության հետ։
Ֆրանցիսկոսը դեկտեմբերին կդառնա 88 տարեկան։ Առողջական վիճակի պատճառով նրա համար գնալով դժվարանում են միջազգային ճանապարհորդությունները։
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
