Մերձավոր Արևելքը կանգնած է տարածաշրջանային պատերազմի ամենալուրջ վտանգի առաջ. Սաուդյան Արաբիայի դեսպան

Մեծ Բրիտանիայում Սաուդյան Արաբիայի դեսպան արքայազն Խալիդ բին Բանդարը նախազգուշացրել է, որ Մերձավոր Արևելքը բախվում է տարածաշրջանային պատերազմի ամենալուրջ սպառնալիքին 1973 թվականից ի վեր: Գրում է news.am-ը։

Ելույթ ունենալով Sky News «Խաղաղություն Յալդա Հաքիմի հետ» հաղորդման եթերում՝ արքայազն Խալիդ բեն Բանդարը հայտարարել է, որ արյունահեղությունը դադարեցնելու համար անհրաժեշտ է նոր ջանքեր գործադրել:

«Ես կցանկանայի ասել, որ լավատեսորեն էի տրամադրված, թեև դժվար է իմանալ՝ որտեղից էր այդ լավատեսությունը», - հավելել է նա: «Իրավիճակը տեղում գնալով ավելի է վատթարանում... Կարծում եմ՝ մենք նույնքան մոտ ենք տարածաշրջանային պատերազմին, որքան 1973 թվականից ի վեր: Լարվածության հիմքում իսրայելա-պաղեստինյան հակամարտությունն  է, և երկու կողմերն էլ պատասխանատվություն են կրում էսկալացիա թույլ չտալու համար»,- հավելել է արքայազն Խալիդը:

Դեսպանն նշել է, որ հակամարտությունը կարող է ունենալ գլոբալ հետևանքներ՝ միջազգային հանրությունից կպահանջի «ավելի վճռական գործողություններ» ձեռնարկել՝ հանուն մարտերի դադարեցման: