Երևանում մեկնարկել է Եվրասիական տնտեսական երրորդ համաժողովը

Երևանում մեկնարկել է Եվրասիական տնտեսական երրորդ համաժողովը։

Էկոնոմիկայի նախարարության փոխանցմամբ՝ համաժողովն այս տարի անց է կացվում «ԵԱՏՄ 10 տարիները. հեռանկարներ և առաջնահերթություններ» խորագրի ներքո:

Համաժողովի ընթացքում կազմակերպվել են տարբեր թեմաներով պանելային քննարկումներ։

Միջոցառումն անց է կացվում Եվրասիական տնտեսական միության մարմիններում 2024թ. Հայաստանի Հանրապետության նախագահության շրջանակներում։

Նախարարի տեղակալ Արման Խոջոյանը մասնակցել է «Ենթակառուցվածքներն ու լոգիստիկան գյուղատնտեսության մեջ. ժամանակակից մարտահրավերներ և լուծումներ» պանելային քննարկմանը։

Նշվում է, որ քննարկվել են ԵԱՏՄ անդամ երկրների ագրոարդյունաբերական համալիրի ենթակառուցվածքների և լոգիստիկայի ներկա վիճակին, արտադրության և արտահանումների կազմակերպման գործում ագրոլոգիստիկ ենթակառուցվածքների դերին, գյուղատնտեսության ոլորտում հնարավոր ենթակառուցվածքային և լոգիստիկ նախագծերին, ագրոարդյունաբերական համալիրի թվային և ֆիզիկական ենթակառուցվածքների զարգացման առկա ներուժին առնչվող մի շարք հարցեր:

Այս թեմայով ՀԻՄԱ․ Բարձրաստիճան պաշտոնյանները Երևանում են․ ընթանում է 3-րդ Եվրասիական Տնտեսական համաժողովը ԵԱՏՄ երկրների գյուղատնտեսության նախարարները հոկտեմբերի 18-ին կհավաքվեն Երևանում. Բարսեղյան Անցկացվել է «Երևանի գունավոր վազք» վազքարշավը. (տեսանյութ) Տևական ժամանակ լույս չի լինի Երևանում և 2 մարզում. հասցեներ Երևանի հյուրանոցներից մեկում գողացել են 50 հազար ռուբլի