Սուրբ Աստվածամայր ԲԿ-ի բուժանձնակազմն ահազանգում է

Սուրբ Աստվածամայր հիվանդանոցի բուժաշխատողները ArmLur.am-ին ահազանգում են, որ հիվանդանոցի տնօրեն Հովհաննես Զոհրաբյանը ստիպում է հավելյալ աշխատել՝ 17:45-ի փոխարեն մինչև 18:45, որի համար հավելյալ չեն վարձատրվում աշխատակիցները:

«Այսինքն ապօրինի աշխատացնում են մեզ: Ես գիտեմ, որ քաղաքապետարան այս հարցով անընդհատ բողոքներ է գնացել, անօրինական մեզ 1 ժամ ավել պահելու համար»,- նշում է բուժաշխատողներից մեկը:

Սրանից բացի կան նաև մի շարք այլ խնդիրներ՝ դրանցից մեկն այն է, որ աշխատակիցներին արձակուրդի համար չեն վարձատրում, ամենուրեք տեսախցիկներ են տեղադրված, այդ թվում և զննման սենյակում, որտեղ արգելվում է: Մեկ այլ խնդիր էլ այն է, որ հարազատները երբ գալիս են հիվանդին տեսակցության, վերև բարձրանալու համար պահանջում են 3000 դրամ վճարել, ինչի հետևանքով էլ մի շարք սկանդալներ են եղել:

«Հիմա մորգի կողքին՝ հիվանդանոցի բակում, Art Lunch են բացել ու բոլորին ասելու են՝ գնացեք այնտեղ սնվեք, այստեղ չսնվեք: Ստեղ լրիվ սարքել են ճորտատիրական վիճակ: Մենք անգամ մտածում ենք, որ մեզ դիտավորյալ է երկար պահում, որ գնանք էնտեղ հաց ուտենք, բայց նենց կոպեկներ է տալիս, որ էդ կոպեկներով ոչ ոք չի գնա ընդեղ: Հենց ասում ենք «աշխատավարձ», դառնում ենք թշնամի»,- նշում է ArmLur.am-ի հետ զրուցող բուժաշխատողը:

Նրա խոսքով՝ տնօրենը շատ աշխատակիցների հեռացրել է աշխատանքից հենց գումարի համար, ովքեր պահանջել են աշխատավարձի բարձրացում, նրանց նույնպես հեռացրել է աշխատանքից:

Աշխատակիցներից մեկը պնդում է, որ հիվանդանոցի տնօրենը Երևանի քաղաքապետ Տիգրան Ավինյանի ընկերն է:

«Անգամ Ավինյանն է ստեղ շատ հաճախ լինում, նրա ախպերը»:

ArmLur.am-ը փորձեց կապ հաստատել Սուրբ Աստվածամայր հիվանդանոցի տնօրեն Հովհաննես Զոհրաբյանի հետ՝ մեկնաբանություն ստանալու նպատակով, սակայն մեզ չհաջողվեց: Ընդունարանից ասացին, որ կկապվեն մեզ հետ, սակայն այդպես էլ ոչ մի արձագանք չեղավ:

Արձագանքի դեպքում պատասխանը կհրապարակենք ավելի ուշ:

Այս թեմայով ՈՒխ, դրանք չեն դիպել Սուրբ Խաչին ու իրենց համբույրով չեն պղծել այն. Ռուզան Խաչատրյան Մայր Տաճարում հոգևոր դասը սկսեց Սուրբ մյուռոնի օրհնության արարողությունը Մայր Աթոռ Ս. Էջմիածնում տեղի ունեցավ միջեկեղեցական պատվիրակությունների ու ներկայացուցիչների հանդիպում Ահազանգ. Գողացել են WhatsApp հաշիվները «Սուրբ Հովհաննես» մատուռի մոտ քաղաքացին վնասել է ոտքը․ ժամանել են փրկարարներ