Դավիթ Երևանցին պարգևատրվեց ՀՀ սփյուռքի նախարարության «Վիլյամ Սարոյան» մեդալով
Սփյուռք
Հունվարի 10-ին ՀՀ սփյուռքի նախարարությունում հյուրընկալվեց ֆրանսահայ քանդակագործ Դավիթ Երևանցին:
Անվանի քանդակագործը նշանակալի ներդրում ունի Սփյուռքում հայապահպանության և Հայաստան-Սփյուռք մշակութային կապերի ամրապնդման և զարգացման գործում: Դավիթ Երևանցու գործերը տեղադրված են աշխարհի բազմաթիվ երկրներում: Միայն Փարիզում և նրա արվարձաններում տեղադրված է Դ. Երևանցու՝ Հայոց Ցեղասպանության թեմայով երեք գործ:
2009թ. Երևանում բացվեց Դավիթ Երևանցու հեղինակած Վիլյամ Սարոյանի արձանը: Շուտով պատրաստ կլինի, իսկ ապրիլի 23-ին հանդիսավորությամբ կբացվի հեղինակի «Մշո ճառընտիր» ստեղծագործությունը՝ նվիրված հայ գրատպության 500-ամյակին:
Սփյուռքում հայ մշակույթի տարածմանը նպաստող գործունեության, այդ բնագավառում ակնառու նվաճումների ու ձեռքբերումների համար նախարար Հ. Հակոբյանը ֆրանսահայ քանդակագործ Դավիթ Երևանցուն պարգևատրեց ՀՀ սփյուռքի նախարարության «Վիլյամ Սարոյան» մեդալով:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
