Նավթի գները աննախադեպ ընկել են

Երկուշաբթի օրը նավթի գները նվազել են, քանի որ թրեյդերները զգուշավոր դիրքորոշում են որդեգրել ԱՄՆ նորընտիր նախագահ Դոնալդ Թրամփի երդմնակալության արարողությունից առաջ, հայտնում է InterFax-ը:

Մոսկվայի ժամանակով ժամը 8:20-ի դրությամբ Brent-ի մարտյան ֆյուչերսները Լոնդոնի ICE Futures բորսայում նվազել են 0,15 դոլարով (0,19%)՝ հասնելով 80,64 դոլարի՝ մեկ բարելի դիմաց: Ուրբաթ օրը Brent-ն էժանացել է 0,5 դոլարով (0,6%)՝ հասնելով 80,79 դոլարի՝ մեկ բարելի դիմաց։

Ինչպես հայտնում է Bloomberg-ը՝ վկայակոչելով իրազեկ աղբյուրներ, Թրամփը մտադիր է իր երդմնակալությունից անմիջապես հետո օգտագործել արտակարգ իրավիճակների լիազորությունները էներգետիկ ոլորտում՝ իրականացնելու ներքին էներգիայի արտադրությունը խթանելու իր ծրագիրը։ Թրամփը նախկինում նաև խոստացել էր արագ մաքսատուրքեր սահմանել Չինաստանի, Կանադայի և Մեքսիկայի նկատմամբ և հայտարարել էր, որ մտադիր է խստացնել Իրանի դեմ պատժամիջոցները։