Եվրոպան պետք է պատասխանատվություն ստանձնի Ուկրաինայի համար․ Մակրոնը համաձայնել է Թրամփի հետ

Ուկրաինայի վերաբերյալ Սպիտակ տան վերջին մեկնաբանությունների լույսի ներքո եվրոպական երկրները պետք է վերանայեն իրենց դերն աշխարհում, հայտարարել է Ֆրանսիայի նախագահ Էմանուել Մակրոնը Financial Times-ին տված հարցազրույցում։

«Թրամփն ասում է Եվրոպային, որ մենք հիմա պետք է պատասխանատվություն ստանձնենք։ Կարծում եմ՝ դա այն է, ինչ մենք պետք է անենք»,- ասել է նա։
Ֆրանսիայի նախագահը հավելել է, որ իրեն չեն զարմացրել Թրամփի վերջին գործողությունները։

Մակրոնի խոսքով՝ ամերիկացի առաջնորդի որոշումները Եվրոպային մանևրելու տեղ են տալիս։