Ռուսաստանը հաղթեց ուկրաինական հակամարտությունում․ փորձագետ

Ռուսաստանն արդեն ռազմավարական հաղթանակ է տարել ուկրաինական հակամարտությունում, և ԱՄՆ-ի հետ ռազմական գործողությունները դադարեցնելու շուտափույթ համաձայնությունը ձեռնտու կլինի նրան։ ՏԱՍՍ-ի թղթակցի հետ զրույցում նման կարծիք է հայտնել «Վալդայ» միջազգային քննարկման ակումբի անդամ, հունգարացի քաղաքագետ Գաբոր Շտիրը՝ մեկնաբանելով Սաուդյան Արաբիայում Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հնարավոր հանդիպման նախապատրաստումը։

«Մենք այսօր արդեն կարող ենք խոսել Ռուսաստանի ռազմավարական հաղթանակի մասին, ռազմավարական առումով Ուկրաինան պարտվել է այս պատերազմում»,- ասել է փորձագետը։

Նա կարծում է, որ դա կարող է դիտվել որպես «շատ ուժեղ փաստարկ»՝ ի պաշտպանություն Մոսկվայի դիրքորոշման Վաշինգտոնի եւ Կիեւի հետ առաջիկա բանակցություններում։

Բացի այդ, հրադադարի և հակամարտությունների կարգավորման վերաբերյալ հնարավորինս շուտ համաձայնությունը ձեռնտու է Ռուսաստանին, քանի որ դա կարող է «նշանակել պատժամիջոցների վերացման սկիզբը», ներառյալ արևմտյան բանկերում ռուսական սառեցված ակտիվների վերադարձը, կարծում է Շտիերը։

Ինչ վերաբերում է Ուկրաինային ուղղված Ռուսաստանի պահանջներին, դրանք հայտնի են, և այժմ մնում է պարզել, թե որքանով կարով են համապատասխանել ԱՄՆ վարչակազմի կողմից առաջադրվող գաղափարներին։