ԱՄՆ պետքարտուղար Ռուբիոն մեկնել է Էր Ռիադ՝ մասնակցելու Ուկրաինայի հարցով բանակցություններին
Աշխարհ
ԱՄՆ պետքարտուղար Մարկո Ռուբիոն մեկնել է Էր Ռիադ, որտեղ կարող է մասնակցել Ուկրաինայի հակամարտության կարգավորման բանակցություններին։ Այս մասին հայտնում է Reuters գործակալությունը։
Գործակալության տվյալներով՝ Ռուբիոն Թրամփի ազգային անվտանգության հարցերով խորհրդական Մայք Ուոլսի և Մերձավոր Արևելքի հարցերով Սպիտակ տան հատուկ ներկայացուցիչ Սթիվ Վիտկովի հետ կհանդիպի ռուս պաշտոնյաներին։
Փետրվարի 12-ին Թրամփը և ՌԴ նախագահ Վլադիմիր Պուտինը բանակցություններ են վարել և պայմանավորվել անձամբ հանդիպել։ Սա երկու պետությունների ղեկավարների առաջին պաշտոնական երկխոսությունն է Հանրապետականի երկրորդ ժամկետի ընթացքում։
Հեռախոսազրույցը տևել է 1,5 ժամ։ Թրամփն ասել է, որ անհամբերությամբ է սպասում Պուտինի այցին ԱՄՆ, ինչպես նաև ասել է, որ առաջնորդների հանդիպումը կարող է կայանալ Սաուդյան Արաբիայում։ Պուտինն իր հերթին ամերիկացի քաղաքական գործչին հրավիրել է Մոսկվա։
Փետրվարի 16-ին հայտնի դարձավ, որ փետրվարի 18-ին Էր-Ռիադում պետք է տեղի ունենան Ուկրաինայի հակամարտության կարգավորման բանակցությունները՝ ռուսական պատվիրակության մասնակցությամբ։ Փետրվարի 17-ին Թրամփը հայտարարել էր, որ կարող է Պուտինի հետ հանդիպել Սաուդյան Արաբիայում «շատ շուտով»:
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
