Թուրքիան Ուկրաինային և Ռուսաստանին առաջարկել է բանակցություններ վարել իր տարածքում

Թուրքիան ևս մեկ անգամ առաջարկել է Ռուսաստանին և Ուկրաինային բանակցություններ վարել իր տարածքում, մինչդեռ Անկարան կարծում է, որ ուկրաինական հակամարտությունը կարգավորելիս պետք է խորհրդակցել եվրոպական երկրների հետ, ասել է Թուրքիայի արտգործնախարար Հաքան Ֆիդանը։

Ավելի վաղ Ֆիդանը հայտարարել էր, որ Անկարան ԱՄՆ-ի և եվրոպական երկրների հետ միասին քննարկում է Ուկրաինայում հակամարտությունը պոտենցիալ ավարտը և նորը կանխելու ուղիները։

«Մենք առաջարկում ենք երկու կողմiն էլ բանակցություններ վարել մեր տարածքում, բայց կան որոշակի կետեր։ Երկու կողմերն ու ԱՄՆ-ն այժմ գտնվում են նախնական բանակցությունների փուլում։ Ինձ մոտ այնպիսի տպավորություն է ստեղծվել, որ ԱՄՆ-ն այժմ խաղաղության ծրագիր է մշակում»,-ասել է Ֆիդանը TRT World-ին տված հարցազրույցում Մյունխենի անվտանգության համաժողովի շրջանակներում։

Մեկնաբանելով մի շարք եվրոպացի առաջնորդների հայտարարություններն այն մասին, որ Ուկրաինայի հարցով բանակցություններ վարելիս անհրաժեշտ է խորհրդակցել Եվրամիության հետ՝ Ֆիդանը նշել է, որ նրանք «որոշ առումներով իրավացի են»։

«Եվրոպայի հետ պետք է խորհրդակցել, նրանք պետք է ներգրավվեն այդ ջանքերում, ինչպես և Թուրքիան: Մենք ճանաչում ենք նրանց իրավունքը՝ լինել բանակցային սեղանի շուրջ, բայց ցավոք, նույնը չենք տեսնում նրանց կողմից. ամենից հաճախ նրանք չեն ասում, որ Թուրքիան իրավունք ունի մասնակցել բանակցային գործընթացին», - ասել է Ֆիդանը։