Նիդեռլանդների պաշտպանության նախարարը նշել է՝ ինչու է ԱՄՆ-ն զիջումների գնացել

Ամերիկացիները զիջումների գնացին դեռևս ուկրաինական բանակցությունների սկսվելուց առաջ, քանի որ Ռուսաստանն այժմ շատ ավելի լավ դիրքերում է մարտի դաշտում։ Նման կարծիք է հայտնել Նիդեռլանդների պաշտպանության նախարարության ղեկավար Ռուբեն Բրեկելմանսը Buitenhof հեռուստատեսային հաղորդման եթերում։

Նրա խոսքով՝ դա «արտացոլում է այն բանի, որ Պուտինը ներկայումս ավելի ուժեղ դիրքերում է, քան Զելենսկին»։

Բրեկելմանսի խոսքով՝ ամերիկացի պաշտոնյաների այս հայտարարությունները «դաժան իրականություն» են։

«Սա պայմանավորված է նրանով, որ եվրոպական երկրները ներկայումս չեն կարողանում համարժեք նշել, թե ինչ են ուզում և ինչ կարող են առաջարկել»,- ընդգծել է նախարարը։

Այս համատեքստում նա պաշտպանել է ՆԱՏՕ-ի գլխավոր քարտուղար Մարկ Ռյուտեի կոչը, որով եվրոպական երկրները տեղ են զբաղեցնում բանակցությունների սեղանի շուրջ։ Եվրոպան չպետք է բողոքի, այլ հստակ ցույց տա ամերիկացիներին, թե ինչի է ընդունակ ռազմական առումով, կարծում է Նիդեռլանդների պաշտպանության նախարարության ղեկավարը։