Չինաստանում նշել են հայ-չինական հարաբերությունների 20-ամյակը
Հայկական աշխարհ
Դեկտեմբերի 21-ին Չինաստանում Հայաստանի դեսպանությունում տեղի է ունեցել Հայաստանի և Չինաստանի միջև դիվանագիտական հարաբերությունների հաստատման 20-ամյակին նվիրված հոբելյանական ծրարների և դրանց վրա փակցված՝ երկու երկրների նամականիշերի մարման հանդիսավոր արարողություն, որի համար օգտագործվել են հատուկ այդ առիթով պատրաստված դրոշմակնիքներ:
Մարումն իրականացրել են Չինաստանում ՀՀ դեսպան Արմեն Սարգսյանը և Չինաստանի ԱԳՆ-ին առընթեր ֆիլատելիստների ասոցիացիայի պատասխանատու քարտուղար Մա Սյաոլինը: Արարողությանը ներկա էին նաև մի շարք չինական լրատվամիջոցների ներկայացուցիչներ:
ՉԺՀ-ում ՀՀ դեսպանության անմիջական մասնակցությամբ մշակված ծրարների վրա Արարատ լեռան ներքո պատկերված են ՀՀ և ՉԺՀ պետական դրոշները, Էջմիածնի Սուրբ Հռիփսիմե եկեղեցին և Պեկինի «Երկնքի Տաճարը»: Հայկական կողմի դրոշմակնիքի վրա պատկերված է Հայաստանի Ազգային Օպերայի և Բալետի թատրոնի շենքը:
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
