Հայ ձեռնարկատիրոջ iMall.eu էլցանցը՝ The Europas հեղինակավոր ցուցակի երրորդ տեղում

Հայ երիտասարդ ձեռնարկատեր Մարտին Ավետիսյանի կողմից ստեղծված iMall.eu էլեկտրոնային առևտրի սոցցանցը գտնվում է The Europas հեղինակավոր մրցույթի երրորդ տեղում: Այս մասին տեղեկացնում է մրցույթի պաշտոնական կայքը:

iMall.eu էլեկտրոնային առևտրի սոցցանցը ստեղծվել է 2012 թվականի հունիսին և հնարավորություններ է տալիս գնումներ կատարել միջազգային հեղինակավոր խանութներից Ռուսաստանի և Եվրասիական պետությունների բնակիչներին: Մարտին Ավետիսյանը, որի նախագիծն իր բնույթով առաջինն է, աշխատում է Երևանում, Լոնդոնում և Մոսկավայում: Ցանցը ներկայացնում է 500 համաշխարհային բրենդների 10 մլն ապրանքատեսակ: Նա համագործակցում է այնպիսի բրենդների հետ, ինչպիսիք են Alexander McQueen, Burberry, Christian Louboutin, Gucci, Prada, Valentino, Yves Saint Laurent կազմակերպությունները:

Մրցույթը դեռևս չի ավարտվել: Վերջինս արդյունքները կհայտարարվեն հունվարի 11ին: