Թուրքիայում ևս մեկ հայ սպանվեց
Հայկական աշխարհ
Թուրքիայում ևս մեկ հայի սպանություն է տեղի ունեցել: Ինչպես տեղեկացնում են թուրքական պարբերականները, Ստամբուլի հայկական դպրոցի 40-ամյա ուսուցիչ Իլկեր Շահինը սպանվել է Ստամբուլի Կադիկոյ փողոցում:
Շահինի գործընկերները նշել են, որ երկար ժամանակ լուր չունենալով վերջինիս մասին, որոշել են այցելել նրան, սակայն վերջինիս տան դուռը փակ է եղել: Նրանք որոշել են ահազանգել ոստիկանություն. ոստիկանությունն էլ, մտնելով տուն, հայտնաբերել է հայ տղամարդու դին՝ վիզը կտրած: Շահինի գործընկերների խոսքը մեջբերում է Haberturk պարբերականը:
Ոստիկանության արձանագրությունից երևում է, որ Շահինը երկար ժամանակ պայքարել է սպանողների հետ: Ոստիկանները նաև նշել են, որ սպանությունը տեղի է ունեցել գողության ժամանակ:
Շահինը 9 տարի աշխատել է հայկական դպրոցում: Չի բացառվում, որ սպանությունը տեղի է ունեցել էթնիկ հողի վրա:
Հիշեցնենք, որ դեկտեմբերին հայ կին էր սպանվել Ստամբուլում: Նրա կոկորդը նույնպես կտրել էին: Նմանատիպ հարձակում էր տեղի ունեցել նաև անցած տարի: Բարեբախտաբար, այդ ժամանակ տուժողը կենդանի էր մնացել, հարձակման ժամանակ միայն նրա աչքն էր վնասվել:
ՈՒՂԻՂ ԵԹԵՐ
Ամենադիտված 
Մայիս ամսվա ոչ աշխատանքային և տոնական օրերը
