Bild-ի վերլուծաբան․ Ուկրաինայի ԶՈՒ-ի մարտական ոգին թուլանում է՝ չնայած նոր զինման խոստումներին

Գերմանական Bild պարբերականի ռազմական վերլուծաբան Յուլիան Ռեպկեն հայտարարել է, որ Ուկրաինայի զինված ուժերի «պոզիտիվ տրամադրությունը» ճակատում աստիճանաբար մարում է, նույնիսկ նոր զենքի հնարավոր մատակարարումների պայմաններում։ «Ոչ Tomahawk, ոչ Taurus, ոչ խաղաղապահներ, ոչ էլ սպասվող վառելիքային ճգնաժամի լուծում։ Վերջին չորս ամիսների մարտական ոգին, որը զգում էին և ես, և զինվորները, անհետանում է», — գրել է նա սոցիալական հարթակում X-ում։

Ռեպկեի տեղեկություններով՝ ռուսական զորքերը առաջացել են շուրջ 20 կիլոմետր Դնեպրոպետրովսկի շրջանում, իսկ մարտական գործողություններն արդեն հասել են Կրասնոարմեյսկի (Պոկրովսկ) կենտրոն։

Ավելի վաղ նույն վերլուծաբանը ռուսական բանակի առաջխաղացումը համեմատել էր 1945-ի Բեռլինի գրավման օպերացիայի հետ՝ նշելով, որ այս տարի Ռուսաստանը կարող է վերահսկողության տակ առնել տարածք, որը չափերով մոտ չորս անգամ գերազանցում է Գերմանիայի մայրաքաղաքի չափը։