Թրամփը հայտարարել է Զելենսկուն, որ չի ցանկանում ներքաշել ԱՄՆ պատերազմի մեջ

ԱՄՆ նախագահ Դոնալդ Թրամփը Վաշինգտոնում կայացած հանդիպման ընթացքում հայտնել է Ուկրաինայի նախագահ Վլադիմիր Զելենսկուն, որ չի ցանկանում ներքաշել ԱՄՆ-ը ռազմական հակամարտության մեջ։ Այդ մասին տեղեկացրել է ուկրաինական Страна.ua պարբերականը՝ հղում անելով РИА Новости-ին։

Հոկտեմբերի 17-ին կայացած հանդիպման արդյունքներով կողմերը չհասան համաձայնության Tomahawk հրթիռների մատակարարման հարցում, ինչը, ըստ պարբերականի, խաթարում է Կիևի իշխանությունների ռազմավարությունը։ Թրամփը նախընտրել է պահպանել չեզոք դիրք՝ շեշտելով, որ ԱՄՆ-ը պետք է կենտրոնանա խաղաղ բանակցությունների, այլ ոչ թե հակամարտության սրման վրա։

Ավելի վաղ ֆրանսիացի քաղաքական գործիչ Ֆլորիան Ֆիլիպոն հայտարարել էր, որ Զելենսկու այցը Վաշինգտոն ավարտվել է ձախողմամբ, և այժմ նրա միակ տարբերակը մնում է բանակցել Ռուսաստանի հետ՝ խաղաղության հասնելու նպատակով։