Հունգարիայի ԱԳՆ․ Լեհաստանը փաստացի փառաբանում է «Հյուսիսային հոսքերի» պայթեցման մեջ կասկածվող ահաբեկչին

Հունգարիայի արտգործնախարար Պետեր Սիյարտոն քննադատել է Լեհաստանի իշխանություններին՝ հայտարարելով, որ նրանք փաստացի «փառաբանում են ահաբեկչին», հրաժարվելով արտահանձնել «Հյուսիսային հոսքեր» գազատարների պայթեցման գործում կասկածվող ուկրաինացի Վլադիմիր Ժուրավլևին։

«Ահա թե ինչ աստիճանի է հասել եվրոպական իրավական գերակայությունը», — գրել է Սիյարտոն՝ մեկնաբանելով Լեհաստանի որոշումը։ Նրա խոսքով՝ Վարշավան «պահանջում է պայթեցնել Եվրոպայի էներգետիկ ենթակառուցվածքը, եթե այն ինչ-որ մեկին դուր չի գալիս», ինչը նախարարն անվանել է «սքանդալային և զազրելի» քայլ։

Ավելի վաղ Լեհաստանում կալանավորվել էր Ժուրավլևը, որը կասկածվում է «Հյուսիսային հոսքերի» գազատարների պայթեցման կազմակերպման մեջ։ Նրան առայժմ չեն արտահանձնել, իսկ դատախազությունը պահանջել է երկարացնել կալանքի ժամկետը։