ՔՊ-ականների համակարգված հարձակումը վկայում է՝ իրավական սոուսով համեմված քաղաքական հաշվեհարդար է. Վարդանյան

ԱԺ «Հայաստան» խմբակցության պատգամավոր Էլինար Վադանյանը գրել է.

«Շուրջ մեկ ամիս առաջ Ազգային ժողովի ամբիոնից ուղիղ «հանձնարարական» իջեցվեց՝ հետապնդում իրականացնել Գյումրու ընտրված համայնքի ղեկավարի դեմ: Այսօր հանձանարարականը իրագործվեց:

Եվ սկսվեց քպ-ականների մեղադրական դատավճիռների շքերթը: Եվ քանի որ միայն քպ-ն կարող է որոշել ով է արդար, ով՝ մեղավոր, և քանի որ նաև արդեն գիտեն, որ Ղուկասյանը կալանավորվելու է, մարդկանց զգուշացնում են՝ «տեսնենք ո՞վ քաղբանտարկյալ կանվանի կոռուպցիոներ սրիկային»:

Բայց պարզից էլ պարզ է, որ Փաշինյանի ցուցումը, Գյումրու քաղաքապետարանում իրականացվող գործողությունների ցուցադրական բնույթը, ՔՊ-ականների համակարգված հարձակումը վկայում են՝ սա իրավական սոուսով համեմված քաղաքական հաշվեհարդար է: Այնպես, ինչպես դա տեղի է ունեցել այլ համայնքներում, որտեղ ՔՊ-ն պարտվել է:

Դատաիրավական շոուների անվան տակ ռեպրեսիաները շարունակվում և շարունակվելու են:

Ռեպրեսիաների բաստիոն Հայաստան»։