«Զարթնի՛ր, լա՛ո, մեռնիմ քզի»

Ֆրանսահայերը Սենատի շենքի մոտ տոնել են Հայոց ցեղասպանությունների ժխտումը քրեականացնող օրինագծի ընդունումը՝ երգելով «Զարթնի՛ր, լա՛ո, մեռնիմ քզի» երգը:

Հիշեցնենք, որ Ֆրանսիայի Սենատը երեկվա լիագումար նիստում ընդունել է Հայոց ցեղասպանության ժխտումը քրեականացնող օրինագիծը: Քվեարկությանը մասնակցած 213 սենատորից 107-ը քվեարկեց կողմ, 86 -ը՝ դեմ։ Ցեղասպանություների ժխտումը քրեականացնող օրինագիծն արդյունքում հաստատվեց։

Օրինագիծը, որը 2011թ. դեկտեմբերի 22-ին ընդունել էր նաև Ֆրանսիայի Ազգային ժողովը, նախատեսում է 1 տարի ազատազրկում և 45 հազար եվրո տուգանք Ֆրանսիայի տարածքում Հայոց ցեղասպանության և այլ ցեղասպանությունների ժխտման համար: