Թուրքիայում հայտարարել են, որ շարունակելու են ռուսական գազ գնել

Թուրքիան չի պլանավորում դադարեցնել ռուսական գազի գնումը. Ռուսաստանը միշտ եղել և մնում է հուսալի մատակարար։ Այս մասին հայտարարել է Թուրքիայի էներգետիկայի և բնական պաշարների նախարար Ալփարսլան Բայրաքթարը Lider Haber հեռուստաընկերությանը տված հարցազրույցում։

Նախարարը հիշեցրել է, որ Թուրքիան Ռուսաստանից գազ է գնում 1980-ական թվականներից ի վեր։ Բայրաքթարը մանրամասնել է, որ ռուսական մատակարարումները բավարարում են երկրի կարիքների մոտավորապես 40-50%-ը։

Պաշտոնյան վստահեցրել է, որ անհանգստանալու կարիք չկա. գնումները շարունակվում են։