Սկանդալ՝ ԱՄՆ-ում. «աշխարհի ամենաուժեղ կինը» պարզվել է՝ տղամարդ է

2025 թվականի աշխարհի ամենաուժեղ կնոջ տիտղոսը, որը շնորհվել էր ամերիկացի Ջեյմի Բուքերին, չեղյալ է հայտարարվել, երբ պարզվել է, որ նա ծնվել է որպես արական սեռի ներկայացուցիչ։ Այս տեղեկատվությունը հրապարակվել է The New York Post-ում։

Մրցույթի կանոնների համաձայն՝ մասնակիցները պետք է մրցեն իրենց ծննդյան սեռին համապատասխանող կատեգորիայում, ինչը մարզիկը խախտել է։ Նոր տիտղոսակիրը 43-ամյա Անդրեա Թոմփսոնն է, որը  զբաղեցրել էր երկրորդ տեղը։

Կազմակերպիչները մեծահասակների համար նախատեսված կայքում հայտնաբերել են վարկաբեկիչ նյութեր, որոնք կասկածի տակ են դնում Բուքերի սեռական ինքնությունը։ Նա հաղթել է նոյեմբերի 20-23-ը Արլինգտոնում կայացած «Official Strongman Games» մրցույթում, սակայն մի քանի օր անց զրկվել է տիտղոսից՝ մրցույթի կանոնները խախտելու պատճառով։ Արդյունքների վերագնահատումը ազդել է բոլոր մասնակիցների վարկանիշային աղյուսակի վրա։