Ուշակովը մեկնաբանել է Ուիթքոֆի հետ իր զրույցի արտահոսած սղագրությունը

Դիվանագիտական ​​շփումներից հետո փակ խողովակներով տեղեկատվության արտահոսքեր գործնականում չեն լինում, բայց, ըստ երևույթին, «ինչ-որ մեկը կարող է ինչ-որ կերպ լսել WhatsApp-ի զրույցները»։

Այս մասին հայտարարել է Ռուսաստանի նախագահի օգնական Յուրի Ուշակովը։ Նա այսպես է մեկնաբանել ԱՄՆ նախագահի հատուկ ներկայացուցիչ Սթիվ Ուիթքոֆի հետ իր հեռախոսազրույցի արտահոսած սղագրությունը, հաղորդում է «Կոմերսանտը»։

«Այս դեպքում դժվար է ենթադրել, որ նման արտահոսք կարող էր լինել զրույցի մասնակիցներից», - ասել է Ուշակովը։ «Դե, ինչպե՞ս խոսենք։ Ոչ ոք չի համագործակցի այն գործընկերոջ հետ, որը տեղեկատվություն է արտահոսում իրենց քննարկածի մասին։ Հակառակ դեպքում դա կլինի անվստահության մթնոլորտում անցկացվող զրույց, և այն դատապարտված կլինի ձախողման», - հավելել է Ռուսաստանի նախագահի օգնականը։

Իր հերթին Ռուսաստանի նախագահի մամուլի քարտուղար Դմիտրի Պեսկովը նշել է, որ արտահոսած զրույցներն ինքնին լուրջ սպառնալիք չեն. «Դրանց մեջ ոչ մի սարսափելի բան չկա, եթե վերացրակվենք նրանից՝ ճիշտ են, թե ճիշտ չեն»։

«Ըստ երույթին, Ուիթքոֆի պաշտոնանկության կոչ անող ձայները, որոնք այժմ հայտնվում են, հիմնականում ուղղված են խաղաղության բանակցությունների միջոցով կարգավորման առայժմ համեստ ընթացքը խափանելուն»,- հավելել է Պեսկովը։

Հիշեցնենք՝ Bloomberg-ը հրապարակել է Սթիվ Ուիթքոֆի և Ուշակովի միջև հոկտեմբերի 14-ին տեղի ունեցած զրույցի սղագրությունը։ Հրատարակության տվյալներով՝ նրանք քննարկել են, թե ինչպես կարող է Ռուսաստանի և ԱՄՆ առաջնորդների միջև հեռախոսազրույցը օգնել լուծել ռուս-ուկրաինական հակամարտությունը, և հիշատակել են մոտավորապես 20 կետից բաղկացած խաղաղության ծրագիր մշակելու հնարավորությունը։

Ուիթքոֆը, մասնավորապես, մի ​​քանի առաջարկություն է արել. նա խորհուրդ է տվել Վլադիմիր Պուտինին շնորհավորել Դոնալդ Թրամփին Գազայի հատվածում խաղաղության հասնելու կապակցությամբ և զանգահարել ամերիկացի առաջնորդին մինչև Ուկրաինայի նախագահ Վլադիմիր Զելենսկու Սպիտակ տուն այցը։