MMA–ի կին մարտիկն ինքնաթիռում ծեծի է ենթարկել երկու ոստիկանի (տեսանյութ)

MMA–ի կին մարտիկը խաթարել է Ryanair-ի չվերթը և հարձակվել երկու ոստիկանների վրա իրեն ձերբակալելու ժամանակ։

Դեպքը տեղի է ունեցել նոյեմբերի 24-ին՝ Իսպանիայի Գրան Կանարիա քաղաքից դեպի Իռլանդիայի Դուբլին թռիչքի ժամանակ։  Խառը մարտարվեստի 39-ամյա մարզիկ Շինեիդ Քավանան սկսել է ագրեսիվ վարք դրսևորել թռիչքի ժամանակ։ Ուղևորատար ինքնաթիռի օդաչուն որոշել է չեղարկել թռիչքը և կապ է հաստատել ոստիկանության հետ։

Քաղաքացիական գվարդիայի աշխատակիցները բարձրացել են ինքնաթիռ և խնդրել կնոջը հետևել իրենց։ Ի պատասխան՝ մարտիկը հարձակվել է ոստիկանների վրա, իսկ նրանց կռիվը տեսագրվել է։ Հրապարակված կադրերում երևում է, թե ինչպես է մարզիկը հարվածներ հասցնում և հայհոյանքներ հնչեցնում։  

Իռլանդուհուն տեղափոխել են ոստիկանական բաժանմունք՝ չորս ոստիկանների ուղեկցությամբ։ Նա գիշերն անցկացրել է խցում և նոյեմբերի 25-ին ազատ է արձակվել գրավի դիմաց։ Դեպքը ներկայումս քննվում է, և գործի նյութերը կուղարկվեն դատարան։ Քավանան իր երկրի բազմակի չեմպիոն է։