Նիգերիայում 85-ամյա կնոջը հուղարկավորել են Կոկա-Կոլայի շշի տեսքով դագաղով

Նիգերիայի Բայելսա նահանգի Էմեիալ համայնքի 85-ամյա բնակչուհուն հուղարկավորել են Կոկա-Կոլայի շշի տեսքով դագաղով։

Այս մասին հաղորդում է նիգերիական Punch հրատարակությունը։

Մահացած կնոջ ընտանիքի խոսքով՝ նա այդ ըմպելիքի մեծ երկրպագուն է եղել։ Սա ոգեշնչել է դագաղի դիզայնն ընտրելիս։  

Լուսանկարիչ Օգբարա Ուոլսոն Հենրին, որը լուսանկարել է հուղարկավորությունը, նշել է, որ դագաղի անսովոր դիզայնը գրավել է ինչպես տեղացիների, այնպես էլ այցելուների ուշադրությունը։