Եվրոպան կիբեր հարված կհասցնի Ռուսաստանին․ Politico

Եվրոպան ծրագրում է կիբեր հարված հասցնել Ռուսաստանին՝ ի պատասխան ռուսական անօդաչու թռչող սարքերի կողմից եվրոպական պետությունների օդային տարածքի խախտման։ Այս մասին հայտնում է Politico-ն՝ վկայակոչելով իր աղբյուրները։

Ըստ եվրոպական կառավարությունների երկու բարձրաստիճան պաշտոնյաների և Եվրամիության երեք դիվանագետների, գաղափարները տատանվում են Ռուսաստանի դեմ համատեղ հարձակողական կիբեր գործողություններից և հիբրիդային հարձակումների ավելի արագ և համակարգված հետ մղումից մինչև ՆԱՏՕ-ի կողմից ղեկավարվող հանկարծակի զորավարժություններ:

«Գործնականում երկրները կարող էին կիբեռմեթոդներ օգտագործել Ռուսաստանի ռազմական գործողությունների համար կարևոր նշանակություն ունեցող համակարգերի վրա հարձակվելու համար, օրինակ՝ Թաթարստանում գտնվող «Ալաբուգա» տնտեսական գոտու վրա, որտեղ Մոսկվան արտադրում է «Շահեդ» անօդաչու թռչող սարքեր, ինչպես նաև էներգետիկ օբյեկտների կամ զենքով գնացքների վրա։ Մենք կարող էինք հարձակվել այդ համակարգի վրա և խաթարել դրա աշխատանքը», - հայտարարել է քաղաքագետ Ֆիլիպ Բրայկան։