Եվրոպական երկրները Ռուսաստանի դեմ «պատասխան հարված» են ծրագրում․ Politico

Եվրոպական երկրները պլանավորում են Ռուսաստանի դեմ պատասխան գործողություններ՝ ՆԱՏՕ-ի երկրներին ենթադրաբար «ռուսական անօդաչու թռչող սարքերի և գործակալների» «հարվածներից» հետո, հաղորդում է Politico-ն՝ հղում անելով աղբյուրներին։

Ինչպես հաղորդում են հեղինակները, «Եվրոպան այժմ անում է մի բան, որը մի քանի տարի առաջ տարօրինակ կթվար` պլանավորում է պատասխան հարված»։

Երկու եվրոպացի պաշտոնյաների և երեք այլ ԵՄ դիվանագետների խոսքով՝ «գաղափարները տատանվում են Ռուսաստանի դեմ համատեղ հարձակողական կիբերգործողություններից և հիբրիդային հարձակումների արագ և համակարգված հետ մղումից՝ մատը Մոսկվայի վրա թափահարելով, մինչև ՆԱՏՕ-ի կողմից ղեկավարվող կարճատև ռազմական վարժանքներ»։

«Ռուսները անընդհատ փորձարկում են թույլատրելիի սահմանները. ինչպիսին կլինի պատասխանը, որքան հեռու կարող ենք գնալ: Անհրաժեշտ է ավելի նախաձեռնողական արձագանք: Եվ ուղերձը ուղարկում են ոչ թե խոսքերը, այլ գործողությունները», - Politico-ին ասել է Լատվիայի արտաքին գործերի նախարար Բաիբա Բրաժեն։