Guardian․ Ճապոնիան նախազգուշացրել է բնակիչներին հնարավոր հզոր երկրաշարժի մասին

Ճապոնիայի կառավարությունը տարածել է նախազգուշացում՝ տեղեկացնելով երկրի հյուսիսային հատվածում հնարավոր հզոր երկրաշարժի սպառնալիքի մասին, գրում է The Guardian-ը։ Մասնագետների հաշվարկներով՝ ցնցումների ուժգնությունը կարող է հասնել մինչև ութ բալ, սակայն դրա տեղի ունենալու հավանականությունը գնահատվում է մեկ տոկոս։

Հայտարարությունը հրապարակվել է Աոմորիի ափերի մոտ 7,5 մագնիտուդով տեղի ունեցած ուժեղ երկրաշարժից հետո։ Տեղական իշխանությունները նշում են, որ նման նախազգուշացումը պետք է օգնի բնակիչներին պատրաստ լինել հնարավոր հետցնցումներին։ Բարձր ռիսկն ուժի մեջ կմնա ամբողջ հաջորդ շաբաթվա ընթացքում, և կառավարությունը կոչ է արել քաղաքացիներին՝ հատկապես ջրին մոտ ապրողներին, պահպանել զգոնություն։

Ավելի վաղ Կոլումբիայում գրանցվել էր 5,5 մագնիտուդով երկրաշարժ, որի էպիկենտրոնը գտնվել էր Ֆլորիդաբլանկա քաղաքից 34 կիլոմետր հեռու։